Јирген Клоп е решен од секој можен аспект да ја подобри играта на Ливерпул, а дека германскиот стратег внимава буквално на секоја ситница доказ е ангажманот на Томас Гронемарк, кој во европскиот фудбал важи за најдобар тренер-специјалист за изведување на аути.
Овој Данец работеше со Митјиланд кога овој тим ја освои првата титула во клупската историја, потоа извесно време беше ангажиран и во Шалке и Херта, за сега да постигне договор да стане член на стручниот штаб на Клоп во Ливерпул.
Под негово водство и тренинг е изведен и најдолгиот аут во фудбалската историја, неверојатни 51,33 метри.
„Митјиланд покажа дека долгите аути можат да бидат многу значајно оружје ако ја користите вистинската тактика, надополнета со прецизност и тактичка подготвеност“ – изјави Гронемарк.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА