Германскиот фудбалски стратег Јирген Клоп испрати пофални зборови за играта на италијанскиот шампион Интер. Ливерпул во осминафиналето од Лигата на шампионите ќе се сретне токму со „нероазурите“, кои и оваа сезона играат во одлична форма и се при самиот врв во Серија А.
Добрата вест за Клоп е што најверојатно ќе може да смета на Џордан Хендерсон, кој успешно заздрави од повредата.
„Ако успееме да доминираме среде Милано, ќе биде добро, всушност тоа е наш предизвик . Интер се брани компактно, играме против врвен и многу силен тим. Го следам и оваа сезона. Тие се многу дисциплинирани и добро подготвени. Во теорија, предноста за нас е што првиот натпревар ќе го играме на гости, но сè зависи од резултатот. Знаеме дека можеме да сметаме на поддршката од „Енфилд Роуд“, но не зависиме само од тоа. За Ливерпул е одлична веста дека Хендерсон се враќа на зелениот терен“, изјави Клоп.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
