Тренерот на Ливерпул, Јирген Клоп ја анализираше ждрепката за осминафиналето, по која „црвените“ го добија шампионот на Италија, милански Интер.
Јирген истакна дека му е мило што уште еднаш ќе има можност да патува во Милано, а воедно и потенцираше дека за противник ќе имаат тежок тим.
„Морав да чекам 54 години за првпат да дојдам на Сан Сиро. И сега ќе го направам по вторпат за три месеци. Тоа е добра вест, исклучително добра. Секако, ждрепката е дефинитивно тешка. Тие се лидери во Италија. Ќе видиме како се ќе изгледа во февруари“, изјави Клоп.
Германецот со голем респект гледа на наредниот противник, па упати комплименти до Инзаги и Лаутаро.
„Лаутаро е еден од највозбудливите напаѓачи во светот. Симоне Инзаги е тука, кој дефинитивно покажа дека е одличен тренер. Интер е вистински шампион, но тоа е реалната препрека во моментот на Ливерпул, никогаш не било лесно, но секогаш е можно“ потенцираше Клоп.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА