Кошаркарите на МЗТ Скопје Аеродром запишаа нова победа во АБА-2 регионалната лига, славејќи во драматична завршница против Нови Пазар со 89-87 благодарение на слободните фрлања во последната секунда на Харис.
Тренерот на „металците“, Ѓорѓи Кочов е задоволен со среќниот крај на натпреварот иако е јасно е дека имаше недостатоци во играта.
„Ова беше навистина тежок натпревар во кој се виде дека емотивно сме испразнети. Во секој случај, добро е што имаше среќен крај за нас. Ова е победа која навистина многу ни значи. Кога се ќе се изанализира мора да искажам честитки до моите играчи, кои и во ваков ден на противникот успеаја да го сочуваат домашниот терен“ – вели Кочов.
МЗТ Скопје, по 10 кола во второто по квалитет регионално натпреварување, има ефект од осум победи и два пораз, издвојувајќи се на самиот врв на табелата.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
