Ѓорѓи Кочов и неговите избраници не ја научија лекцијата од првиот натпревар во Бања Лука. Откако едвај го победија Хелиос пред три дена, „металците“ денеска се посрамотија против Слобода Ужице, која и без тројца стандардни првотимци успеа да им одржи лекција.
Кочов во вторникот најави дека ќе реагира за да ја корегира играта на својот тим, но МЗТ и денеска како и тогаш одигра катастрофално второ полувреме.
„Не го потценивме противникот, се подготвувавме максимално, но не одигравме на посакуваното ниво. Кога во едно полувреме ќе промашиш осум слободни фрлања, тоа е катастрофа. Иако се помлади, тие покажаа поголема храброст, земаа шутеви и погодуваа. На спротивната страна, план ни беше да напаѓаме на „лоу-пост“, тие се собираа, но некој мора да го земе тој шут од надвор, да ја преземе одговорноста. Кога требаше да се шутира ние не шутиравме, потоа се влегуваше во импровизација и се случи она што се случи“, истакна Кочов.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
