Вардар претрпе неочекувано убедлив пораз на домашен терен од Кил, но навивачите во салата „Јане Сандански“ знаеја какоп да застанат зад своите миленици и при очајното прво полувреме.
„Вардарци“ ја добија неопходната поддршка од трибини и по мечот, кога побараа и добија „прошка“ за слабото издание на терен. А најверните фанови, популарните „Комити“ денеска со кратко соопштение јасно покажаа што значи да се биде зад својот тим – особено кога работите на терен не одат според посакуваното.
„А тогаш кога оние кои толку многу не задолжија, колективно ни ја зајакнаа вербата, ни донесоа радост и нов менталитет на победници… кога тие вака ќе не погледнат машки, во очи, понизно по едни тешки моменти ќе побараат прошка, а истата безусловно однапред им е дадена…е тогаш како е возможно црвено-црното Македонско срце да одолее? Од секој пораз нам ни е мака, но што да се прави кога Вардар се сака“ – порачаа „Комити“.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
