Конечно, време за Фајнлфор и во најквалитетното европско кошаркарско клупско натпреварување – Евролигата! Оваа година, за прв пат во историјата, завршниот турнир од Евролигата ќе се одржи надвор од границите на Стариот континент – во Абу Даби.
Од денеска до недела, „Етихад Арена“ ќе биде домаќин на четирите најдобри екипи оваа сезона во Евролигата – Олимпијакос, Монако, Панатинаикос и Фенербахче. Грчки Панатинаикос ќе се обиде да го одбрани тронот, кој го освои минатата година во Берлин, победувајќи го Реал Мадрид во финалето.
ПРВО ПОЛУФИНАЛЕ: Олимпијакос – Монако
Олимпијакос заврши како лидер во регуларниот дел од сезоната со 24 победи и 10 порази, а потоа во четвртфиналето од плејофот на елитното натпреварување успеа да го совлада Реал Мадрид со 3-1 во серијата за место на Ф4.
Против себе го има Монако, кој од четвртото место успеа да ја „собори“ Барселона по пет натпревари (3-2) и да се пласира во полуфиналето.
Грчкиот тим влегува во полуфиналето со желба да го поништи „проклетството на првото место“. Имено, од 2017 година, ниту еден тим што ја завршил сезоната на првото место во регуларниот дел не ја освоил титулата.
Ова е четвртиот едноподруго Фајналфор на Евролигата за Олимпијакос. Во сезоната 2021/22, тие го победија Монако во четвртфиналето. Потоа, во 2023 година, Грците славеа во битката за финалето, и сега по третпат во последните неколку години, Монако му стои на патот на Олимпијакос.
Оваа сезона, овие два тима се сретнаа двапати, во првиот Олимпијакос победи (89-80) во Кнежевството, а потоа Монако возврати во Пиреја и победи со 80-77.
Олимпијакос, со импресивен резултат и дефанзивен рејтинг, што со години е белег на тренерската работа на Јоргос Баркокас, се чини дека е најкомплетниот тим во натпреварувањето.
Оваа година посилни од кога било, предводени од поранешниот НБА ас Еван Фурние, како и Везенков, поранешен МВП кој се врати од најсилната лига во светот. Не треба да ја заборавиме и силната централна линија со Никола Милутинов и Мустафа Фола.
Од друга страна, Монако ја преживеа рововската серија против Барселона, во која решавачката „мајсторка“ беше решена во последната минута.
Тренерот Василис Спанулис има посебно оружје во Мајк Џејмс, додека Ели Окобо и Алфа Дијало внесуваат енергија и непредвидливост. Не треба да го заборавиме Џордан Лојд, како и најновото засилување Даниел Теис, кој пристигна од НБА.
Натпреварот е закажан за вечерва од 20 часот во „Етихад Арена“.
ВТОРО ПОЛУФИНАЛЕ: Панатинаикос – Фенербахче
Панатинаикос се враќа на голема врата. Клубот од ОАКА Арената, кој помина низ деценија без резултати, го оживеа тренерот Ергин Атаман – двократен шампион со Ефес. По само една година, тој успеа да ја донесе титулата европски шампион во Атина, а сега има задача да ја брани.
Сепак, првото нешто што им стои на патот е Фенербахче, предводен од Шарунас Јасикевичиус, кој имаше импресивна сезона во регуларниот дел од натпреварувањето.
Фенер заврши како второпласиран тим, веднаш зад Олимпијакос, со резултат од 23-11. Во четвртфиналето, Париз ја „наруши“ сензацијата на елитното натпреварување оваа сезона и стана првиот учесник на Фајналфор со 3-0.
Од друга страна, Панатинаикос, кој го заврши натпреварувањето на третото место, имаше тешка задача против турскиот Ефес, тие успеаја да стигнат до Фајналфор по пет многу тешки натпревари (3-2) и со освојување на „ремек-делото“ во Атина.
„Зелените“ покажаа дека се способни да издржат притисок и да победат дури и против најсилните, а сега им претстои еден таков дуел.
Интересно е што Панатинаикос победи во двата дуела оваа сезона, прво победи на гостински терен со 81-76, а потоа по „драмата“ победи и дома – 91-90.
Моментално е во серија од четири еднподруго победи, а минатата сезона овој дуел беше и полуфинале на Фајналфорот, каде што Панатинаикос победи со 73-57.
Сега Фенербахче има шанса да ја прекине таа серија и да се „одмазди“ за поразот во минатогодишното полуфинале.
Дуелот меѓу Шарунас Јасикевичиус и Ергин Атаман, двајца темпераментни тренери, гарантира конкуренција, психолошка војна и, пред сè, врвна кошарка.
Натпреварот меѓу Фенербахче и Панатинаикос се игра денеска од 17 часот во „Етихад Арена“.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
