Доскорешниот фудбалер на Атлетико Мадрид, Конор Галагер, е ново засилување за Тотенхем. Играчот од средниот ред го засили премиерлигашот во трансфер вреден 34 милиони фунти.
Тој пристигнува во Тотенхем за да ја зајакне конкуренцијата во средниот ред, која е особено ранлива по сериозната повреда на Родриго Бентанкур. Галагер потпиша договор од пет и пол години.
Англискиот репрезентативец игра првенствено како централен играч од средниот ред, но во зависност од системот и потребите, може да игра поофанзивно, како и на крило. 25-годишникот му се приклучи на Атлетико во летото 2024 година за 38 милиони фунти.
Претходно играше за Вест Бромвич, Кристал Палас и Челси, а има голем број натпревари од Премиерлигата зад себе.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
