Антонио Конте го реализираше тоа што на никого пред него не му успеало во 111 години историја на Интер. Со синоќешната победа над Лацио од 1-0 во 5. коло од Серија А стана првиот тренер на „нераѕурите“ кој победил на сите пет почетни натпревари од италијанското првенство.
Конте веднаш по доаѓањето ова лето комплетно го промени составот на Интер, играчите и тактиката, импресивно запишувајќи се во историјата на клубот.
Интер на стартот од сезоната притоа има постигнато и десет гола а прими само еден. Во моментов тимот од Милано е со два бода предност на врвот од табелата пред Јувентус, се чини единствениот ривал за Скудетото.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА