Антонио Конте не е во најдобри односи со раководството на Интер, се најавува дури и негово заминување, но тоа прескапо би го чинело италијанскиот калчолигаш. Од друга страна, Конте притиска да му бидат доведени квалитетни засилувања и конечно да оформи тим кој може да ја нападне шампионската титула и да го симне Јувентус од тронот.
Најновата желба на Антонио Конте е францускиот интернационалец Нголо Канте од Челси. Тој важи за еден од најдобрите фудбалери во светот на позицијата последен играч за врска и Конте сака да го има на „Џузепе Меаца“. За него Интер би требало да плати 80 милиони евра, но и да ги победи Реал Мадрид и Пари Сен Жермен кои исто така се силно заинтересирани за ангажман на Нголо Канте.
Многу поверојатно е дека Интер ќе стигне до Сандро Тонали од Бреша, а во листата на желби на Антонио Конте се и Артуро Видал од Барселона, Един Џеко од Рома, Емерсон Палмиери од Челси и Јан Фертонген на кого му истекува договорот со Тотенхем. Интер успеа да го доведе Ашраф Хакими од Реал Мадрид, кој изминатите две сезони беше позајмен во Борусија Дортмунд.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
