Ракометната репрезентација на Франција се соочува со огромни проблеми на дваесетина дена пред почетокот на ЕП 2022, откако селекторот Жил остана без помошта на неколку стандардни првотимци.
Најлошо од сите мина десниот бек Недим Ремили, кој поради тешка повреда на стопалото ќе мора да отсуствува извесен период и дефинитивно ќе го пропушти европскиот шампионат.
Покрај тоа, коронавирусот влезе во таборот на „триколорите“, па на денешното тестирање биде добиени три позитивни резултати. Лидерот на националниот тим, Никола Карабатиќ, ќе го пропушти стартот на подготовките бидејќи се наоѓа во самоизолација, заедно со Беноа Кунку и со Јанис Лене.
Покрај нив, подготовките нема да ги стартува ниту првиот голман Винсан Жерар, кој добил слободни денови од селекторот поради семејна трагедија.
Франција својот прв меч на ЕП 2022 ќе го игра на 13 јануари, против селекцијата на Србија.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
