Селекторот на фудбалската репрезентација на Франција, Дидие Дешамп се соочува со големи проблеми пред финалето во Лигата на нации против Шпанија кое на програмата е утре. Среднистот на тимот Адриен Рабио нема да биде дел од тимот на утрешниот меч поради позитивен тест на коронавирус.
Рабио е во изолација и нема да патува со останатите репрезентативци во Милано. Наместо него дополнително во репрезентацијата ќе биде повикан Орелиен Чумени. Добра вест за Дешамп е што ниту еден од останатите репрезентативци не пријавува симптоми на ковид-19 па ќе може да бидат во игра за настап на утрешниот меч.
Финалето од Лигата на нации меѓу Франција и Шпанија ќе се игра утре во 20.45 на „Сан сиро“ во Милано.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
