Кошаркарите на МЗТ Скопје Аеродром денеска тестираа едно од неколкуте кошаркарски игралишта во општина Аеродром, на кои се поставени нови мултифункционални подови со врвен квалитет, наменети за безбеден спорт и рекреација и кои се еколошки, без штетна емисија, рециклирачки, ергономски, со сертификати признати од ФИБА.
„Забраната за тренинзи сe уште не ни дозволува да се вратиме во сала и да продолжиме со работа, онаму каде што застанавме кога пред два месеци беше прекинато првенството поради пандемијата со коронавирусот, но тоа не беше пречка нашите играчи малку да поработат индивидуално и на отворено да се подружат со топката, но и помеѓу себе. Секако, придржувајќи се кон сите препораки за социјално дистанцирање и заштита и дезинфекција, како средства за борба против болеста Ковид-19“ – велат од КК МЗТ Скопје.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА