И репрезентацијата на Косово се соочува со проблеми околу составот пред бараж пресметката од полуфиналето во плеј-офот на Лигата на нации за пласман на ЕП.
Пред доаѓањето во Скопје за натпреварот со Македонија, кој се игра на националната арена „Тодор Проески“ во Скопје, од Косово и информацијата дека нема да игра и капитенот Амир Рахмани од Наполи, а неизвесен е и настапот на голманот Самир Ујкани. Како што е познато, поради повреда од претходно отпадна Милиот Рашица. Неизвесен е и настапот на Валон Бериша од Ремс.
Противникот во Скопје доаѓа со Ведат Муричи, кој и наспроти повредата, се очекува да настапи на натпреварот во четврток на „Тодор Проески“.
И селекторот на Македонија, Игор Ангеловски, се соочува со проблеми по откажувањето на Елиф Елмас поради позитивен тест на Ковид-19. Се очекува пристигнувањето на Горан Пандев кој денеска и дефинитивно треба да добие дозвола од италијанските здравствени власти за напуштање на карантинот на Џенова и доаѓање во Македонија.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
