Македонија ремизираше без голови со Летонија на пријателскиот натпревар во Скопје, пред заминувањето за Велс на последниот натпревар од квалификациите за пласман на СП 2026 и битката за втората позиција на табелата.
Фудбалерот од средниот ред, Тихомир Костадинов не е задоволен од ремито со Летонците потенцирајќи дека едноставно морало да се постигне погодок за да се дојде и до триумф на мечот.
„Ни недостасуваше тој гол. Имавме свои шанси, но голманот на гостите беше на едно високо ниво, со доста добри интервенции. Факт е дека не сме задоволни со учинокот напред, затоа што посакувавме победа. Креиравме шанси и според мене требаше да реализираме“ – истакна синоќа Костадинов, осврнувајќи се и на тоа што репрезентацијата ја очекува во Велс.
„Во Велс не чека противник кој игра агресивно. Мора да бидеме подготвени на тоа. Знаеме што не очекува, знаеме каков натпревар не очекува и за што играме па сигурно ќе се подготвиме максимално за тој натпревар“.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
