Неверојатната приказна за лојалност и визија на сопственикот доби совршен епилог во Ковентри. По дури 25 години чекање, Ковентри Сити се врати во Премиерлигата, а тој успех ќе донесе голема награда за 5000 најлојални фанови.
Имено, тие се оние кои ќе ги гледаат натпреварите од елитното ниво целосно бесплатно следната сезона. Сè започна во 2023 година, кога сопственикот на клубот Даг Кинг им понуди на навивачите поскапи сезонски билети со необично ветување, ако клубот освои промоција во рок од пет години, првата сезона во Премиерлигата ќе им биде бесплатна.
Иако понудата изгледаше ризична во тоа време, 5000 навивачи одлучија да му веруваат на клубот, што сега се исплати многукратно. Враќањето во највисокото ниво беше потврдено со нерешен резултат против Блекбурн Роверс. Ова ја круниса една од најуспешните сезони во поновата историја на клубот.
Управата веднаш потврди дека ќе го одржи своето ветување, па гореспоменатите навивачи ќе уживаат во натпреварите од Премиерлигата без дополнителни трошоци, додека другите ќе мора да сметаат на зголемување на цените на билетите поради влегувањето во потешко финансиски натпреварување.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
