Во петтиот сет, на 12-12, на Вимблдон од следната година ќе се игра тај-брејк, соопшти Ол Ингланд клубот. Ваквата одлука доаѓа откако решавачкиот сет во годинашното полуфинале меѓу Кевин Андерсон и Џон Иснер траеше речиси три часа. Андерсон го доби сетот со 26-24 и повика да се размисли за промена на форматот.
Управата на Вимблдон соопштува дека е дојдено вистинското време за воведување тај-брејк во „разумен момент“. Победник ќе биде тенисерот кој ќе дојде до седум поени или до разлика од два или повеќе поени.
Од Вимблдон соопштуваат дека одлуката е донесена по прегледување на дуели од последните 20 години како и во консултaција со тенисерите и со официјалните лица. Правилото ќе важи за сите конкуренции.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
