Чешките тенисерки Барбора Крејчикова и Катерина Синијакова го освоија златниот медал на Олимписките игри во Токио откако во финалето на дубл турнирот славеа над Швајцарките Белинда Бенчиќ и Викторија Голубиќ со 2-0 (7-5, 6-1).
Чехињите беа фаворити за освојување на златниот медал и таа улога ја потврдија денеска. Парот кој што неодамна го освои Ролан Гарос клучната предност ја направи со брејкот при 5-5 во првиот сет, а до крајот загуби само еден гем со што го обезбеди четвртиот златен медал за Чешка на Игрите во Токио.
Натпреварот за третото место им припадна на бразилските тенисерки Лора Пигоси и Луиса Стефани кои во мечот за третото место славеа со 2-1 (4-6, 6-4, 11-9) над Русинките Елена Веснина и Вероника Кудерметова.
A first ever tennis gold medal for Czech Republic!
Barbora Krejcikova and Katerina Siniakova – women’s doubles winners!#StrongerTogether | #Tokyo2020 | @ITFTennis pic.twitter.com/w5HYZQ9ZBV— Olympics (@Olympics) August 1, 2021
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
