Европскиот вицешампион Веспрем донесе одлука за намалување на платите на управата на клубот, ракометарите и стручниот штаб. Во период на финансиска нестабилност поради намалување на предвидените приходи, унгарскиот гигант реши сите членови на овој колектив да земат по 25% помала плата за месеците април, март, мај и јуни.
За Веспрем настапува и македонскиот репрезентативец Дејан Манасков, а според раководството на клубот сите ракометари без исклучок ја прифатиле оваа мерка. Воедно, постигната е согласност договорите да бидат исплатени по девизен курс 330 форинти/евро.
Раководството на Веспрем обелодени дека тимот покрај согласноста за намалување на платите успеал да собере и значителна сума на пари и да ја донира во хуманитарни цели, за помош на оние на кој им е најпотребна.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА