Голманот на Реал Мадрид, Тибо Куртоа привремено се пензионираше од белгиската репрезентација, а паузата за репрезентативни натпревари ја искористи за големо интервју со шпанското радио „Онда Серо“. Белгиецот зборуваше за судењето, изборот за „Златната топка“, Рафиња од Барселона и ситуацијата со Манчестер Сити.
Куртоа призна дека одредени судиски одлуки го збунуваат. Се присети на сезоната за време на пандемијата на коронавирусот, кога Реал не ја освои шампионската титула, и на различните одлуки во ситуации со играњето со рака.
„Не верувам дека има некаква манипулација, не сум толку сомничав. Постојат грешки кои се оценуваат на други терени, но не и на нас“, рече Куртоа.
Тој додаде дека судиите им ги објаснуваат правилата на играчите и клубовите, по што понекогаш се донесуваат сосема различни одлуки во слични ситуации.
Мбапе е неговиот фаворит за „Златната топка“
Куртоа нема сомнежи кога станува збор за тоа кој треба да ја добие „Златната топка“. Негов фаворит е соиграчот Килијан Мбапе.
„Мбапе мора да ја освои Златната топка. Сите се восхитуваат на неговата брзина, вештина и бројот на голови што ги постигнува“, рече голманот на Реал.
Тој верува дека изборот треба да се базира на тоа кој е најдобар фудбалер, а не само на тоа кој освоил најмногу трофеи. Како пример, тој го наведе Дани Карвахал, за кого верува дека требало да ја добие наградата пред две години според таквите критериуми.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
