Бразилскиот интернационалец Фелипе Кутињо имал мала хируршка интервенција на десниот скочен зглоб, откриваат германските медиуми. Токму затоа во четвртокот Бразилецот беше „уловен“ од папараците како заминува од тренинг – базата со патерици. Вчера тој бил опериран и отстрането му е тврдо ткиво кое му создавало болка во глуждот.
Проценките се дека Кутињо ќе мора да мирува две седмици, а потоа ќе почне со тренинзи. Бундес-лигата треба да има рестарт на 9. мај, а Кутињо најверојатно нема да му биде на располагање на тренерот Ханси Флик. Тој по завршувањето на сезоната и дефинитивно ќе ја напушти „Алијанц арена“ откако Баерн Минхен одлучи да не го откупи неговиот договор од Барселона.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
