ЕКИПА во Дебрецин,
Стеван Цаневски
Филип Кузмановски играше во одлична форма на последните натпревари во Бундес-лигата во дресот на Хановер, па се очекува експлозивниот бек да продолжи во ист ритам и на претстојните средби во репрезентативниот дрес.
Кузмановски, како и останатите македонски репрезентативци, фаворитската улога утре им ја препушта на Словенците, но и најавува дека Македонија ќе стори се за да стигне до позитивен резултат.
„Максимално сме подготвени. Добро се подготвуваме за првиот меч. Словенија е добра репрезентација, но мораме да бидеме фокусирани на нашата игра. Мора да одиграме за самите себе, па да видиме како ќе заврши натпреварот. Наша цел е пласман во вториот круг и доколку загубиме нема да падне нашиот морал ќе се бориме и понатаму. Во Словенија играат едни од најдобрите ракометари во светот. Знаеме колку ја сакаме Македонија и како се бориме за неа, а утре тоа ќе го покажеме и на терен“, изјави Кузмановски на денешната прес-конференција.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
