Спортска Битола викендов е во знак на фудбалот и клучниот предизвик што го очекува ФК Пелистер во борбата за задржување на прволигашкиот статус. Пред претстојниот бараж натпревар за опстанок, силна и гласна поддршка за фудбалерите пристигна од таборот РК Е. Пелистер.
Капитенот на битолчани и македонската репрезентација, Филип Кузмановски, испрати емотивна и мотивирачка порака до своите колеги од фудбалскиот клуб, повикувајќи на целосно градско обединување под зелено-белите бои.
„Нашето спортско семејство викендов пулсира со фудбалерите на Пелистер. Од името на РК Еурофарм Пелистер и мое лично име им испраќаме максимална поддршка и енергија на нашите фудбалски „браќа“ на бараж натпреварот за опстанок во недела. Сите сме ние Пелистер, викендов сите сме ФК Пелистер!“, истакна Кузмановски.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
