Ред Бул Лајпциг и Манчестер сити одиграа без победник 1-1 во првиот натпревар од осминафиналниот двомеч во Лигата на шампионите.
„Граѓаните“ беа далеку подобар противник во првиот дел и домаќинот мораше да биде среќен што со само минимална негатива го почна второто полувреме на „Ред бул“ арената. Водство за избраниците на Пеп Гвардиола донесе Ријад Марез со убав погодок во 27. минута од натпреварот.
Во вториот дел домашниот состав заигра далеку подобро, а одличната игра ја материјализираше со погодокот на хрватскиот интернационалец Јошко Гвардиол во 70. минута кој израмни на 1-1.
GOAL! RB Leipzig 1-1 Man City (Gvardiol) pic.twitter.com/GZCWeARDzJ
— EPL Bible (@EPLBible) February 22, 2023
Во вториот натпревар од вечерашната понуда на „Џузепе Меаца“ Интер го совлада Порто со 1-0. Иако домаќините беа подобар противник не успеаја да го начнат голот на Португалците се додека не останаа со играч повеќе. Гостите останаа со играч помалку откако втор жолт картон доби Отавио во 78. минута по еден старт над Хакан Чалханоглу. Победа за „нероаѕурите“ донесе Ромелу Лукаку кој влезе во второто полувреме, а триумф од 1-0 донесе во 86. минута.
Otavio (FC Porto) second yellow card against Inter Milan 78′ from soccer
ROMELU LUKAKU PUTS AWAY HIS OWN REBOUND TO BREAK THE DEADLOCK AGAINST TEN-MAN PORTO!!!pic.twitter.com/lDltonFJqJ
— Football Report (@FootballReprt) February 22, 2023
Реваншите се закажани за 14. март.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА