Тимот на Барселона излезе со соопштение по состанокот на бордот на директори на клубот кој се одржал вчера. Каталонскиот гигант потврди дека на крајот од сезоната 2020/2021 загубиле 481 милиони евра.
Одборот на директори го одобрил буџетот на клубот за оваа сезона во износ од 765 милиони евра, но тој мора да помине низ дополнителна постапка за одобрување на Собрание на делегати. На 6 октомври ќе започне целосна проверка на работите на клубот за да се најдат одговорните за финансиските проблеми. Ова значи дека тимот сериозно има намера да го среди она што се случи за да ги отстрани сите тешкотии за работењето на клубот во сезоната 2021/2022.
За потсетување, во септември Каталонците ќе одиграат четири натпревари и тоа со Гранада, Кадиз и Леванте во шпанското првенство, како и со Бенфика во Лигата на шампионите. Доколку тимот не постигне позитивни резултати, Лапорта може да се одлучи за одредени промени.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
