Ларвик по 16 години доминација ја загуби шампионската титула но Норвешка, но овој европски гигант би можел да се соочи со најцрното можно сценарио – исчезнување од ракометната мапа и прогласување на банкрот. Причина е долгот од три милиони норвешки круни (околу 310.000 евра) што Ларвик треба да го подмири најдоцна до 11 мај, во спротивно овој клуб ќе престане да постои.
„Многу е тажно, се најдовме во многу сериозна ситуација. Се уште сум наивна и верувам дека можеме да се спасиме, има мал број на луѓет во околината кои сакаат да помогнат“ – изјви легендарната Гро Хамерсенг-Един, која неколку сезони го носеше дресот на норвешкиот гигант.
Како што јавуваат норвешките медиуми, единствениот начин клубот да се спаси е спонзорите и фановите да купат дел од „пакетот Ларвик“, кој е составен од место за спонзорство и сезонски билети. Времето сепак е кратко, па останува да се види дали оваа иницијатива ќе помогне да се избегне најлошото сценарио, па трофејниот ракометен колектив да престане да постои.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
