Италијанскиот калчолигаш Лацио оваа сезона нема да успее да избори пласман во Лигата на шампионите, но сака да го засили својот тим во летниот преоден рок и да тргне многу пожестоко во следниот шампионат од Серија А. Раководството на „лацијалите“ како потенцијално засилување го ‘пикираше’ капитенот на холандскиот клуб Ајакс, Дејви Класен.
Тој игра одлично оваа сезона, еден е од носителите на играта на холандскиот тим, а за него интерес покажуваат и неколку германски тимови, како Шалке 04, Хофенхајм и Лајпциг. Лацио се надева дека за сума од 15 милиони евра ќе го убеди Ајакс да го продаде својот играч за врска, а самиот фудбалер би добил четиригодишен договор и плата од 3 милиони евра по сезона.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
