Лацио трумфално ја почна новата сезона во Серија А, со победа од 1-3 на гостувањето против Емполи.
Иако домашните поведоа со голот на Бандинели уште во 4. минута, сепак веќе во 6. минута српскиот репрезентативец Милинковиќ – Савиќ успеа да израмни.
Со голот на Лазари во 31. минута и Имобиле од пенал во 41. минута Лацио веќе на полувремето имаше убедлива предност, која ја зачува во вториот дел.
Аталанта, пак, до триумфот на гостувањето против Торино од 1-2 дојде со голот на Пиколи во 93. минута.
Претходно Аталанта имаше водство од 0-1 со погодокот на Муриел уште во 6. минута, но Белоти во 79. минута израмни за домашните.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
