Селекторот на ракометната репрезентација на Македонија, Кирил Лазаров го скрати списокот за бараж двомечот против Романија за пласман на Светското првенство 2023 година во Полска и Шведска.
Селекторот Кирил Лазаров од списокот на кои се наоѓаа 35 играчи, одбра тим од 21 ракометар со кој на 17. март во Скопје ќе и се спротивстави на селекцијата на Романија. Дејан Манасков и дефинитивно нема да биде подготвен за овој меч поради тешката повреда поради која паузира од минатата година, додека поради повреда отпадна и ракометарот на Еурофарм Пелистер, Мартин Велковски за кого заврши сезоната.
Во репрезентацијата се враќаат Никола Маркоски и Томи Јагуриноски, а за сениорската репрезентација на официјален меч би можел да дебитира Павле Атанасијевиќ. Новитет е и Марко Стојковиќ, пикерот на Алкалоид кој е во дефанзивната формација заедно со Михајло Младеновиќ.
Собирот е закажан за 13. март во 20 часот во хотел „Александар Палас“ во Скопје. Првиот меч ќе се игра на 17. март во Скопје, додека реваншот во Романија е два дена подоцна.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
