Милан полека, но сигурно се враќа на претпознатливото ниво кое добро го познававме во минатото. „Росонерите“ се втори најтрофејни кога станува збор за освоените шампионски титули во Лигата на Шампионите со седум зад своето име, но последниот беше осовен во 2007 година.
Оттогаш Милан се најде само еднаш во полуфиналето, претходната сезона во која „росонерите“ беа сопрени од страна на лутиот ривал Интер. А, најдобриот фудбалер на тимот, Рафаел Леао верува дека и оваа пречка наскоро ќе биде надмината и Милан одново ќе се радува на трофејот.
„Мислам дека клубот е на добар пат, успеавме да се пласираме во полуфиналето на Лигата на шампионите. Сега целта на клубот мора да биде да продолжи да оди нагоре, да продолжи да додава, да продолжи да биде силен. И сигурен сум дека Милан наскоро ќе се врати на освојување на Лигата на шампионите што е нашата цел. Зборувам за себе, јас сум млад, јас сум играч кој сака да освојува големи работи, Лигата на шампионите мислам дека е сон на секој играч и ние работиме за тоа“, изјави Леао.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
