Продолжува кризата на Бостон селтикс во НБА лигата, синоќа запишувајќи го и седмиот пораз во последните десет натпревари. Бостон загуби од Атланта со 127-112, во една од најдобрите партии во кариерата на Данило Галинари кој постигна 38 поени, со десет погодени тројки.
Кога на тоа ќе се додадат 33 поени на Јанг, јасно е дека Бостон беше без шанси. Џејлен Браун запиша 17 поени, а Џеф Таг мечот го заврши со 14 поени, кај раздрманиот Бостон.
На победнички патеки се врати Јута која славеше против ЛА Лејкерс со 114-89. Лејкерс без Ентони Дејвис се сосема друга екипа. Шест кошаркари на домашната екипа постигна повеќе од 10 поени, а предводеа Кларксон и Гоберт со по 18 поени, додека Леброн Џејмс постигна 19 поени кај Лејкерс.
Џими Батлер го предводеше Мајами со 27 поени, осум скока и 1о асистенции, во победата од 116-108 над Торонто. Кај Тороно Ловри запиша 24 поени.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
