Актуелниот шампион во НБА лигата, Денвер нагетс поведе со 1-0 во четвртфиналната серија во Западната конференција, откако доцна синоќа на домашен терен славеше против Лос Анџелес лејкерс со 114-103.
Уште еднаш се покажа дека Леброн Џејмс и Ентони Дејвис едноставно немаат лек за актуелниот шампион кој ја запиша својата деветта победа во низа против „езерџиите“. Никола Јокиќ со 32 поени, 12 скока и седум асистенции беше прво име во Денвер, додека кај поразените Ентони Дејвис заврши со 32 поени и 14 скока.
Во останатите мечеви од вчерашната понуда: Кливленд – Орландо 97-83, Минесота – Феникс 120-95 и Њујорк – Филаделфија 111-104.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА