Италијанскиот калчолигаш Милан доби нов ветар во грб откако доби дозвола од Судот во Лозана да настапува во Лигата на Европа. Истовремено, дојде нов сопственик кој носи американски капитал, а ова лето ќе инвестира околу 150 милиони евра за нови засилувања. Со парите ќе располага Леонардо, некогашниот фудбалер и тренер на Милан, кој сега се враќа на раководна функција.
Леонардо беше и спортски директор на ПСЖ, и добро ги знае задачите и обврските. Тој ќе го замени Масимилијано Мирабели, а новите сопственици допрва треба да го именуваат и новиот извршен директор. Првиот човек на „Елиот менаџмент“, Пол Сингер, изјави дека неговата компанија апсолутно ја сфаќа одговорноста која ја преземала со купувањето на Милан и дека има доволно пари за да овозможи стабилност на клубот.
Што се однесува до засилувањата, се споменуваат повеќе имиња, а најголемото е Карим Бензема, кој од Реал Мадрид треба да пристигне во Милано.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
