Бундеслигашот Фленсбург забележа убедлива победа на гостувањето кај актуелниот шампион Бенфика во Португалија (26-39) во првиот натпревар од осминафиналниот двомеч во второто по ранг ракометно натпреварување на стариот континент Лигата на Европа.
Германците почнаа фуриозно уште од самиот старт на натпреварот и веќе на полувреме имаа огромни плус единаесет (10-21). До крајот само рутински го приведоа мечот за конечни 26-39. Емил Јакобсен со девет гола беше прво име кај победникот, додека кај поразените Боргес Силва постигна пет.
Во програмата од 18.45 часот Нексе и Фуксе Берлин стигнаа до лесни гостински победи. Хрватскиот вицешампион славеше против украинскиот Мотор Запорожје со 23-27, додека Фуксе Берлин беше подобар од Скјерн со 23-28.
ЛИГА ЕВРОПА 1/8 ФИНАЛЕ:
МОТОР – НЕКСЕ 23-27
СКЈЕРН – ФУКСЕ БЕРЛИН 23-28
БЕНФИКА – ФЛЕНСБУРГ 26-39
БИДАСОА ИРУН – СПОРТИНГ Л. 30-27
ФЕРЕНЦВАРОШ – МОНПЕЛЈЕ 30-36
ГРАНОЛЈЕРС – АРХУС 32-34
КАДЕТЕ ШАФХАУЗЕН – ИШТАД 38-32
ВАЛУР – ГЕПИНГЕН 29-36
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
