По настапот на ХЕП Куп во Пореч, селекторот на Хрватската репрезентација, Лино Червар, го скрати списокот на кандидатите за претстојното СП во Германија и Данска. На Мундијалот нема да настапат голманот Филип Ивиќ и десниот бек Лука Шебетиќ.
Голот на Хрватска на СП ќе го бранат Иван Стевановиќ и Марин Шего, а на десен бек „коцкестите“ ги имаат Лука Степанчиќ и Јаков Вранковиќ.
Червар сега на располагање има 19 ракометари, а конечниот список од 16 репрезентативци што ќе патуваат на СП ќе биде познат ден пред тргнувањето за Минхен.
Хрватска е еден од противниците на Македонија во групата Б , во првата фаза од шампионатот. Дуелот со Хрватите е на 14 јануари.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
