Арсенал продолжува со засилувањата за наредната сезона откако „топчиите“ денеска го официјализираа доаѓањето на Алберт Самби Локонга.
Станува збор за младински репрезентативец на Белгија кој настапува во средниот ред, а во Арсенал пристигна од редовите на Андерлехт. „Топчиите“ платија почетни 17,5 милиони евра за услугите на Локонга, а трансферот би можел да порасне до 22 милиони евра доколку се активираат неколкуте клаузули во договорот меѓу клубовите.
„Алберт е многу интелигентен фудбалер кој покажа огромна зрелост при настапите за време на неговиот фудбалски развој. Добро е трениран од Винсент Компани, кој со најголеми комплименти го опишува овој фудбалер. Веруваме дека Локонга е подготвен за следниот чекор напред во кариерата и мило ни е што тоа ќе се реализира во Арсенал“, изјави Микел Артета.
Белгиецот ќе го носи дресот со број 23 во Арсенал, со името Самби на грбот.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
