Лоши вести за Мајами пред четвртиот натпревар од големото финале против Денвер. Лекарскиот тим на Мајами се уште не дава дозвола за настап на одличниот шутер Тајлер Хиро.
Можно е во еден момент од финалето во НБА лигата, Хиро да и помогне на својата екипа, но тоа нема да се случи на четвртиот меч кој се игра утре во раните утрински часови од 2:30 часот.
Хиро, како што е познато, ја скрши раката уште во првиот натпревар од првата рунда во плејофот против Милвоки и од тогаш е надвор од стројот.
„Мора да се минат некои фази. Не доби дозвола за игра, се уште не може“ – соопштија од Мајами.
Тоа што е добро за Мајами е што ќе може да смета на Кајл Лаури, кој нема потешка повреда. Мајами по три меча има негатива од 1-2, и евентуален пораз во четвртиот натпревар ќе ги донесе во крајно непријатна ситуација пред петтиот дуел кој ќе се игра во Колорадо.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
