Ниту Лигата на шампионите не мотивира доволно, кога резултатскиот предизвик не е на највисоко ниво. Реал Мадрид и Рома веќе обезбедија пласман во нокаут фазата, па последното коло од групата Г го одиграа многу ноншалалтно. „Кралевите“ си дозволија бламажа во Мадрид и загубија од ЦСКА Москва со 0-3, а Рома доживеа пораз (2-1) од Плзен на гостувањето во Чешка.
Шалов и Шеников донесоа водство за „армејците“ од 0-2 по првиот дел, а Сигурдсон го постави конечниот епилог.
Во Чешка, Коварик обезбеди предност за Плзен, израмни Ченгиз Ундер, а триумфот за домашниот тим го донесе Томас Шори.
Сепак, Реал Мадрид е првопласиран во групата, а Рома оди во осминафиналето од втората позиција.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА