Само неколку дена откако го смени Џеси Марш од клупата, екипата на Лајпциг го совлада тимот на Манчестер Сити со 2-1 во последното коло во групната фаза од Лигата на шампионите, и така само го потврди учеството во Лигата на Европа.
Собослаи и Андре Силва погодија против „граѓаните“, а Марез само намали во 77. минута. Вокер во 83. минута доби црвен картон поради остар фаул.
Во вториот меч во Париз, ПСЖ немаше проблеми против Бриж, победувајќи го со 4-1. Мбапе во втората, а потоа и во седмата минута брзо донесе 2-0, а Меси погоди во 38. минута за 3-0 на полувреме. Ритс намали на 3-1, а потоа Меси од пенал во 76. минута стави точка на победата.
Сити заврши како првопласиран и покрај поразот со 12 бодови, еден повеќе од ПСЖ. Лајпциг оди во Лигата на Европа, а Бриж се прости од европските натпреварувања.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
