Продолжението на Бундес-лигата после двомесечна пауза поради пандемијата на коронавирусот привлече повеќе од 9 милиони телевизиски гледачи во Германија. Телевизиската куќа Скај Германија, која ги пренесува натпреварите, го урна сопствениот рекорд за гледаност на германското првенство.
Саботните мечеви од 26.коло во Бундес-лигата на Скај Германија ги следеа 3,68 милиони гледачи на каналите што се плаќаат, што е двојно повеќе од вообичаената бројка за фудбалска сабота. Треба да се додадат уште 2,45 милиони гледачи кои натпреварите ги следеа на бесплатниот телевизиски канал Спорт Њуз кој е достапен за сите. Дополнително, уште околу 3 милиони гледачи беа присутни зад ТВ екрамите и на вчерашните мечеви.
Натпреварувањето во Бундес-лигата продолжи по пауза од повеќе од 60 дена поради пандемијата на Covid-10, пред празни трибини и со строги здравствени мерки.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
