Ако денот по утрото се познава ќе гледаме неверојатно сезона во германскиот фудбал. Брауншвајг во првото коло во луд натпревар ја совлада берлинска Херта со 5-4 и ја елиминираше од националниот куп на Германија.
Домаќините поведоа со 2-0 со голот на Кобијански во 2. и автоголот на Мителстад во 17. минута. Брзо следуваше одговор на гостите кои преку Лукебакио и Куна во 22. и 29. минута израмнија на 2-2. До крајот на полувремето Кобилански зголеми на 3-2. Во вториот дел Херта преку Пекарик во 65. минута стигна до ново израмнување, но по само две минути Кобилански со својот трет гол донесе ново водство за Брауншвајг од 4-3. Абдулахи во 73. минута донесе нова предност од два гола за домашниот тим, а конечните 5-4 ги постави Лукебакио во 83. минута.
Мајнц со пресврт против нисколигашот Хавелс успеа да стигне до второто коло во националниот куп. Домаќините изненадувачки поведоа во 17. минута преку плуме, а успеваа да се одолеат на нападите на фаворитот се до 57. минута кога Матета го изедначи резултато. Победникот беше решен во само две минути, откако гостите во 77. преку Салај и Матета во 79. гостите зголемија на 1-3, а до крајот пукна и „петарда“ откако стрелаа Квајзон во 86. и повторно Матета во 91. минута.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА