Нејмар долго време беше во војна со сите во ПСЖ, но откако не му се реализираше трансферот во Барселона овој голгетер повторно го прави она во што е најдобар – тресење на противничките мрежи.
Откако минатата седмица постигна еврогол со ножички во судиското продолжение, Бразилецот беше во главна улога и на денешното дерби со Лион. „Светците“ славеа со 0-1 на „Жерлан“, а човек на одлука беше токму Нејмар, кој со прекрасен погодок во 87. минута го скрши отпорот на домашната екипа.
Во ситуација кога Мбапе и Кавани се повредени, Нејмар дефинитивно одлично се снаоѓа во улогата на лидер на нападот на францускиот првак.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
