Филип Кузмановски со Хановер славеше неочекувано лесен и убедлив триумф во македонската пресметка во Бундес-лигата, на гостински терен против Жарко Пешевски и Штутгарт (22-34).
Беспрекорниот напад беше главна одлика на Хановер на овој меч, Кузмановски и соиграчите лесно го наоѓаа патот до мрежата на домашните голмани, на крајот заслужено радувајќи се на победата. По 30 минути игра резултатот гласеше 14-18, за гостите во финишот целосно да го скршат отпорот на Штутгарт и да стигнат до двоцифрен триумф.
Филип Кузмановски постигна еден гол во овој триумф на Хановер, додека на спротивната страна Пешевски двапати стрелаше прецизно во мрежата на гостите.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
