Куманово на домашен терен забележа тешка победа над дебитантот Ангели од Скопје, но маката и потта на крајот се исплатија за големо славје и задоволство на домашната публика (73-64).
Дебитантот во првата кошаркарска лига покажа „заби“ уште на почетокот од овој двобој, со одлична одбрана и брз проток на топката успеа да го неутрализира домашниот тим, па по првата четвртина резултатот беше нерешен 17-17. Со израмнета игра и кош за кош се продолжи и до крајот на првото полувреме, па на пауза се замина со минимална предност на домаќините (36-34).
Во третата четвртина домаќините полека но сигурно ги земаа работите под своја контрола, па со нешто повисока реализација и подобра одбрана успеаа да направат разлика од 20-14. До крајот на натпреварот „жилавите“ гости ја загубија концетрацијата и силата, а тоа значеше вредна победа за тимот од Куманово.
Џонатан Холмс со 16 поени го предводеше домашниот тим на Куманово, кај гостите се истакна Аула Сумбри со 18 поени.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
