Македонската фудбалска репрезентација од денеска е комплетна, па селекторот Игор Ангеловски почна со воигрување на тимот што во изменет состав ќе ги одигра последните две квалификациски средби за ЕП 2020.
Повредите и суспензиите му создаваат проблеми на кормиларот, но барем од денеска „црвено-жолтите“ почнаа да тренираат во полн состав, откако на националниот тим му се приклучија Пандев, Барди, Димитриевски и Несторовски.
Фудбалерите ќе тренираат во Скопје до четврток, веќе в петок летаат за Виена, каде в сабота ќе ги одмерат силите со селекцијата на Австрија. По враќањето во Скопје, „црвено-жолтите“ ќе го заокружат овој квалификациски циклус со домашниот натпревар против Израел.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА