Новопечениот македонски репрезентативец Дени Мусовски продолжува со одлични изданија во МЛС-лигата, откако блесна и на градското дерби меѓу ФЦ Лос Анџелес и ЛА Галакси, носејќи му водство на домашниот тим.
Мусовски одлично втрча по една длабочинска топка од средината на теренот, а потоа во манир на голем стрелец преку голманот Клинсман ја смести во мрежата на Галакси.
Мусовски е роден во САД, но неодамна ја прифати поканата на селекторот Игор Ангеловски да го облече дресот на македонската репрезентација. Доколку административно биде финиширана целата постапка, овој фудбалер би можел да дебитира за нашиот национален тим веќе на финалето од Лигата на Нации против Грузија.
GOAL ⚽️ Danny Musovski [53′]#LAFC find some space in transition, and Musovski chips the goalkeeper to score the opening goal.
[1-0] #LAFCvLAG #LAFC pic.twitter.com/IybvPuMEOt
— Info LAFC (@InfoLafc) October 25, 2020
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА