Во организација на Веслачката федерација на Македонија, веслачките клубови Југ од Охрид и Црн Дрим од Струга учествуваа на меѓународната веслачка регата „Пловдив 2017“ во соседна Бугарија на која учествуваат голем број клубови од Бугарија, Романија, Турција, Унгарија, Србија и Македонија.
Македонските веслачи натпреварувањето го завршија со три освоени медали, од кои Марјан Николоски од ВК Црн Дрим – Струга се закити со сребро во дисциплината Скиф-сениори. Ксенија Краљевска (ВК Црн Дрим – Струга) освои бронзен медал во дисциплината мешани двојки „дубл скул“, а со бронза се закити и Магдалена Карамитреска (ВК Црн Дрим – Струга) во дисциплината скиф јуниорки.
Марио Јованоски од ВК Црн Дрим-Струга доби награда за најперспективен тренер.
Посебно признание за особени заслуги за развој на овој спорт во нашата земја, но и на Балканот, доби и претседателот на Веслачката федерација на Македониа, Здравко Голабоски.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА