Македонските спортисти со гордост го развиорија македонското знаме на свеченото отворање на Медитеранските игри во Таранто.
Честа да ја предводат делегацијата им припадна на таеквондистот Дејан Георгиевски и ракометарката Леона Миленкоска, кои го носеа македонското знаме на церемонијата.
Македонија на овогодинешните Игри ќе настапи во 19 од вкупно 33 спортови, со претставници во голем број индивидуални и екипни дисциплини.
Во екипните спортови, македонските бои ќе ги бранат женските репрезентации во ракомет и одбојка, машката селекција во баскет 3х3, како и фудбалската репрезентација до 21 година.
Во Таранто отпатува најбројната македонска делегација во историјата на Медитеранските игри – вкупно 130 членови, од кои 90 се спортисти.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
