Репрезентативното крило Дејан Манасков по рекордните 16 гола во претходниот меч, денеска учествуваше со девет гола во победата на Веспрем во домашниот шампионат против Егер со 40-21.
Ова беше десетта победа во низа сезонава за Веспрем во унгарското првенство, а репрезентативното крило повторно беше најдобар поединец во таборот. По двојната победа во домашното првенство сега ракометарите на Веспрем ги очекуваат двомеч против данскиот Алборг.
На 18. ноември Манасков и соиграчите гостуваат во Данска, а седум дена подоцна ќе го пречекаат Алборг на домашен терен.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
