Со вчерашниот гол против Бенфика, играчот на Ливерпул Садио Мане се најде на второто место меѓу најдобрите стрелци на „црвените“ во Лигата на шампионите. Сенегалецот погоди во 34. минута, и тоа беше гол број 22. во Лигата на шампионите.
Мане со тоа го престигна легендарниот Стивен Џерард кој имаше 21. гол. Прв на оваа вечна листа е Мохамед Салах кој има 33 постигнати голови во најелитното европско натпреварување за Ливерпул.
Синоќа Ливерпул со 1-3 ја совлада Бенфика, и се стекна со добра предност пред реваншот на „Енфилд“, и се доближи до полуфиналето во Лигата на шампионите.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА